ازاى تخلى حماتك تحبك يا مخطوبه((تعالى يمكن تستفادى))

                                 

ف كتير مننا حماتها مش بتحبها وبتعاملها وحش
ومش بطقها كده لله ف لله
طيب ليه انتى متجربيش وتحاولى تقربى منها وهى هيجى يوم وهتعرف معدنك الطيب
وهتحبك اوى وكمان خطيبك هيحبك اكتر

واليكى خطوااااااااااات تقدرى منها تكسبى حب حماتك ليكى
1_اسألى ع حماتك مره ع الاقل كل اسبوع
بس متخليش المكالمه تقتصر ع ازيك عامله ايه طب مع السلامه
لاء تكلميها وتقوللها
ازيك يا ماما او يا طنط حسب ما بتقوليلها وياريت تقوليلها يا ماما
عامله ايه وحشانى والله بجد ونفسى اشوفك بس افضى نغفسى بس من الشغل
او الكليه واجى اقضى معاكى يوم عشان وحشانى
ايه يا ماما مش ناويه تيجى عندنا ولا ايه نفسى اشوفك
واحكى معاها ع اى حاجه مثلا
ده النهارده عملت اكله اول مره اعملها وعجبتهم وطلعت حلوه اوى
ده انا كنت بكلم فلان الى هو خطيبك يعنى
بقوله كان نفسى ماما تكون معانا عشان تدوق من ايدى
مع انى عارفه ان اكلك لا يعلى عليه وانا مجيش جنبك حاجه

دى نقطه يا بنات لانى ف كتير مننا لما بيدجى يتصل مش بيبقى عارف يقول ايه
وانتى لما هتلاقيها بتجاريكى ف الكلام هتلاقى انتى نفسك
بتتكلمى ياما معاها والمكالمه هتدخل ف نص ساعه
2_لو عرفتى انها لا قدر لله تعبانه اتصلى فورا بيها
اسألى عليها وانا تخضيت عليكى ياماما ده اول ما فلان قالى
قفلت معاه ع طول وكلمتك ولو تعبانه اوى
اسألى عليها مرتين ف اليوم لحد ما تتطمنى انها بقت كويس خلاص
وممكن تروحى تزوريها لو هى كانت تعبانه اوى
3_المناسبات متنسيش العيد ورمضان والسنه الهجريه
وممكن كمان عيد ميلادها وعيد الام
اتصلى انتى بيها متستنيش هى الى تكلمك وتقولك كل سنه وانتى طيبه
وكلمتين حلوين كده السنه الجايه ياماما يارب تبقى ف الحج
انا دايما بدعيلك انك تطلعى حج انتى وبابا
4_ممكن تعملى حاجه حلوه من ايدك وتبعتيها مع خطيبك وتتصلى بيها
تقوليلها انا عملتها مخصوص عشانك يارب تعجبك
5_دايما اسألى ع بناتها منها وهتتصلى بيهم طبعا بس مش ع طول يعنى كل فتره كده
6_اوعى توجهى اى لوم لخطيبك قدامها او تتكلمى ع انه ف صفه مش حلوه معاها
امدحى فيه لما تكلميها وتقوللها طبعا مش تربيه حضرتك
7_متنسيش الهدايا هاتلها هدايا قيمه مش اى كلام ف عيد الام
وممكن عيد ميلادها
8_لما تروحلها متدخليش بايدك فاضيه هاتى حاجه معاكى تقدميها وانتى داخله وممكن كمان
تعمليها انتى احسن هتبقى احلى
9_دايما تحسسيها ان دعاها زى دعاء مامتك وقوليله ادعيلى يا ماما اصلى خايفه من كذا
10_ واخيرررررررررررا لازم تتعاملى مع حماتك بالحسنى ومتنسيش
انها تعبت اوى وحملت 9شهور وربت ابنها وتعبت ف تربيته الى انتى دلوقت خطيبته
فأقل حاجه نشكرها عليها انها انجبت ابنها ده

وصدقونى لو عملتوا بالخطوات دى هتلاقوا حماتكوا بتعاملكوا حلو اوى
وبتسال عليكى لو تعبتى لا قدر الله وتفتكر ف المناسبات
وتسبق هى الاول بس الاهم انك انتى الى تبادرى بالمعامله الطيبه ليها

تصنيف : ركن المراءه