الاثنين، 21 مايو 2012

وحشتني ونفسي اشوفك يا نصي التاني ^^









يعني اعمل ايه انا دلوقتي ?!

اطلع من هدومي ويقولو البت اتجننت :D

ايوا بسألك انت بتبص وراك لييه ! ايوا هو انت يا عم :D

لو مفيهاش رزاله يعني ..سؤال رفيع بس معلش :)

هو انا هفضل قاعده كدا لحد امتتي مستنيه حضرتك يا نصي التاني لحد ما تيجي من كوكب زحل والتوهان اللي انت قاعد فيه دا ! :S 

يعني لو عاجباك المكان هناك اووي كدا .. ممكن تيجي تاخدني ونروح نقعد فيه سوا معنديش مانع خاالص علي فكرا :D

انا اتجننت بسببك حرام عليك .. 

بقيت ليل نهار قاعده اتخيلك .. 
يا تري هيبقي شكلك ازاي !

طويل ولا قصير 

طباعك هتبقي عمله ازاي.. 

وهعرف اتعود عليها ولا لا .. !

وهتعرف انت كمان تتعود علي طباعي.. اللي هي اصلا مجنناني انا :D
( ما بالك انت بقي ربنا يكون ف عونك والله علي راي ماما :P (

بس يا تري بتفكر فيا زي ما انا سهرانه و بفكر فيك كدا وافضل اتخيل هشوفك فين وازاي (ايموشن مسبّل ) :D

مره قلت يمكن اشوفه ف الكليه

ومره قلت لااا كليه

ايه دا انا هبقي ماشيه كدا ف الشارع زي ف الافلام واخبط فيك والكتب تقع مني وتنزل تجبهالي ... 

تيراراراا تشششش ^_^

ايه الجو دا انا اصلا مبمشيش شايله كتب :D 

ولا هكون بنشر الغسيل مثلا ويقع مني علي راسك و تبص فوق تلاقيني انا اللي موقعاه وانزل اخده منك بقي والاقيك بالليل قاعد مع بابا ف الصالون....
.. ( ايموشن سرحان ) 

يانهار الوان دا الواحد دماغi ضربت خالص 
يخربيت الافلام اللي ضيعتنا دي :D 

عارف زمان عرفت اني لازم احافظ علي قلبي ومحبش حد الا انت
يا تري هتكون حبيت قبلي ولا انا اللي هبقي اول حب ف حياتك زي ما انت هتبقي اول واخر حب في حياتي ♥

تعرف اني بيجي عليا اوقات لما بكون خايفه و متدايقه ببقي محتاجاك انت اللي تكون معايا وتطبطب عليا ..

ساعتها عارفه اني هنسي كل حاجه ضايقتني وهترمي ف حضنك زي الاطفال الصغيرين اللي بيحسو بالامان والسعاده وكل حاجه حلوه ف حضن باباهم ومامتهم 

وحشتني ونفسي اشوفك يا نصي التاني ^^

المتابعون

شارك

Twitter Delicious Facebook Digg Stumbleupon Favorites More