السلام عليكم ورحمه الله وبركاته
ممكن نتكلم مع بعض بصرااااحه تااامه
فى ناس هيعجبها كلامى وفى ناس مش هيعجبها
وهتعلن الحرب عليا ويمكن دول اللى يبقوا اكتر
ندخل فى الموضوع
كتبتى كتابك طيب الف مبروك
ممكن تقوليلنا بكل صراحه
طريقه كلام خطيبك معاكى اتغيرت ولا لا
طيب طلب منك انه يمسك ايدك ويبوسك (اسفه)
انا مش بتكلم ان ده حرام لا انا عارفه انه حلال
لكن انا واحده من البنات اللى مش هتسمح بحاجه زى دى
بعد كتب كتابها
سمعاكم بتقولوا ليه يا بنتى كده ده جوزك
اه جوزى بس ياخد حقوقه دى لما ابقى فى بيته
مش فى بيت اهلى
لان الموقف هيبقى تيييت قوووى لو حد شافنا
هتسحل فيها علطول
اصلا انا ابقى فى نص هدومى لو عملنا كده فى بيت جوزى وحد شافنا من اهلى
ما بالكم لو عملت كده واحنا لسه فى بيت اهلى ومحصلش فرح والذى منه
ده غير ان فى رجاله بتفهمها غلط يعنى ممكن خطيبك يستقل بأهلك ويقولك انتى عملتى كذا وكذا وانا لسه مدخلتش بيكى واحنا لسه فى بيت اهلك
طيب بالله عليكى هتستحملى الكلام ده
يعنى منقدرش نمسك نفسنا شويه لحد ما نبقى فى بيتهم
انا بقول كده وربنا يعلم انا بحب خطيبى قد ايه
وحاسه بكل واحده فيكم
بس الفرق انى اقدر اتحكم فى مشاعرى حتى لو هموت لحد ما ابقى فى بيته
انا بقولها تانى مش بتكلم على انه حرام
لا حلال لكن يبقى لينا خصوصيتنا والكلام ده يبقى بينكم انتوا الاتنين بس فى بيتكم
ومتحسوش انكم بتسرقوا وخايفين لتتقفشوا
دى وجهه نظرى وحبيت اقولها واللى مش عاجبها كلامى
ولا كأنك قرتيه يا قمر
.jpg)
